ದೇಶಾದ್ಯಂತ ಹೊಸ ಹಣಕಾಸು ವರ್ಷ 2026 ನಿನ್ನೆಯಿಂದ ಅಧಿಕೃತವಾಗಿ ಆರಂಭಗೊಂಡಿದೆ. ಪ್ರತಿ ವರ್ಷದಂತೆ ಈ ಬಾರಿಯೂ ಕೇಂದ್ರ ಬಜೆಟ್ನಲ್ಲಿ ಘೋಷಿಸಲಾದ ಹೊಸ ತೆರಿಗೆ ನಿಯಮಗಳು ಮತ್ತು ಆಮದು ಸುಂಕದ ಬದಲಾವಣೆಗಳು ಜಾರಿಗೆ ಬಂದಿದ್ದು, ನಿಮ್ಮ ಮಾಸಿಕ ಬಜೆಟ್ ಮೇಲೆ ಇದು ನೇರ ಪರಿಣಾಮ ಬೀರಲಿದೆ.
ಸ್ಮಾರ್ಟ್ಫೋನ್ಗಳು ಮತ್ತು ಜೀವ ರಕ್ಷಕ ಔಷಧಿಗಳ ಬೆಲೆ ಇಳಿಕೆಯಾಗಿರುವುದು ಸಾಮಾನ್ಯ ಜನರಿಗೆ ಸಮಾಧಾನ ತಂದಿದ್ದರೆ, ತಂಬಾಕು ಉತ್ಪನ್ನಗಳು ಹಾಗೂ ಆಮದು ಮಾಡಿದ ಐಷಾರಾಮಿ ವಸ್ತುಗಳ ಬೆಲೆ ಏರಿಕೆಯಾಗಿದೆ. ನಿಮ್ಮ ಜೇಬಿಗೆ ಯಾವುದು ಹೊರೆಯಾಗಲಿದೆ ಮತ್ತು ಯಾವುದರಿಂದ ಹಣ ಉಳಿತಾಯವಾಗಲಿದೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಫೆಬ್ರವರಿ 1, 2026 ರಂದು ಮಂಡಿಸಿದ ಬಜೆಟ್ನಲ್ಲಿನ ಘೋಷಣೆಗಳಂತೆ, ಹೊಸ ಹಣಕಾಸು ವರ್ಷ (FY 2026-27) ಇಂದು ಅಂದರೆ ಏಪ್ರಿಲ್ 1 ರಿಂದ ಜಾರಿಗೆ ಬಂದಿದೆ. ಈ ಹೊಸ ನೀತಿಗಳು ಸಾಮಾನ್ಯ ಜನರ ಮನೆ ಬಜೆಟ್ ಮತ್ತು ಗ್ರಾಹಕರ ಖರ್ಚುಗಳ ಮೇಲೆ ನೇರ ಪರಿಣಾಮ ಬೀರಲಿವೆ. ಮುಖ್ಯವಾಗಿ, ಸೆಪ್ಟೆಂಬರ್ 22, 2025 ರಂದು ನಡೆದ 56ನೇ ಜಿಎಸ್ಟಿ (GST) ಕೌನ್ಸಿಲ್ ಸಭೆಯ ನಿರ್ಧಾರದಂತೆ, ಜಿಎಸ್ಟಿ ಸ್ಲ್ಯಾಬ್ಗಳನ್ನು ಸರಳೀಕರಿಸಿ ಕೇವಲ 5% ಮತ್ತು 18% ಕ್ಕೆ ಇಳಿಸಲಾಗಿದೆ.
ಹೊಸ ನಿಯಮಗಳ ಪ್ರಕಾರ ಏಪ್ರಿಲ್ 1 ರಿಂದ ಯಾವುದು ಅಗ್ಗ ಮತ್ತು ಯಾವುದು ದುಬಾರಿ ಎನ್ನುವ ಸಂಪೂರ್ಣ ಮಾಹಿತಿ ಇಲ್ಲಿದೆ:
ಅಗ್ಗವಾಗುವ ವಸ್ತುಗಳು(Cheaper)
- ಔಷಧಿಗಳು: 17 ಅಗತ್ಯ ಔಷಧಿಗಳ ಮೇಲಿನ ಕಸ್ಟಮ್ಸ್ ಸುಂಕವನ್ನು ಕಡಿತಗೊಳಿಸಲಾಗಿದೆ. ಇದರಿಂದ ವಿಶೇಷವಾಗಿ ಮಧುಮೇಹ (Diabetes) ಮತ್ತು ಕ್ಯಾನ್ಸರ್ ಚಿಕಿತ್ಸೆಗಳು ಹೆಚ್ಚು ಕೈಗೆಟುಕುವಂತಾಗಲಿವೆ.
- ಎಲೆಕ್ಟ್ರಿಕ್ವಾಹನಗಳು (EV): ಪರಿಸರ ಸ್ನೇಹಿ ವಾಹನಗಳಿಗೆ ಉತ್ತೇಜನ ನೀಡಲು ತೆರಿಗೆ ವಿನಾಯಿತಿ ನೀಡಲಾಗಿದ್ದು, ಇವಿ ವಾಹನಗಳ ಬೆಲೆ ಇಳಿಕೆಯಾಗಲಿದೆ.
- ಚರ್ಮದಉತ್ಪನ್ನಗಳು: ಚರ್ಮದ ವಸ್ತುಗಳು ಮತ್ತು ಪಾದರಕ್ಷೆಗಳ ತಯಾರಿಕೆಗೆ ಬಳಸುವ ಕಚ್ಚಾ ವಸ್ತುಗಳ ಮೇಲಿನ ಸುಂಕ ಕಡಿತದಿಂದ ಇವುಗಳ ಬೆಲೆ ತಗ್ಗಲಿದೆ.
- ವಿಮಾನಮತ್ತುಮೈಕ್ರೋವೇವ್ಬಿಡಿಭಾಗಗಳು: ಇವುಗಳ ಮೇಲಿನ ಕಸ್ಟಮ್ಸ್ ಸುಂಕ ಕಡಿತದಿಂದ ಮೈಕ್ರೋವೇವ್ ಓವನ್ಗಳ ಬೆಲೆ ಕಡಿಮೆಯಾಗುವ ಸಾಧ್ಯತೆಯಿದೆ.
- ಸ್ಮಾರ್ಟ್ಫೋನ್ಗಳುಮತ್ತುಟ್ಯಾಬ್ಲೆಟ್ಗಳು: ಭಾರತದಲ್ಲಿ ತಯಾರಾಗುವ (Locally manufactured) ಮೊಬೈಲ್ ಫೋನ್ಗಳು ಮತ್ತು ಟ್ಯಾಬ್ಲೆಟ್ಗಳು ಅಗ್ಗವಾಗಲಿವೆ.
- ವಿದೇಶಿಪ್ರವಾಸಮತ್ತುಶಿಕ್ಷಣ: ಟಿಸಿಎಸ್ (TCS) ಕಡಿತದಿಂದಾಗಿ ವಿದೇಶಿ ಶಿಕ್ಷಣ, ವೈದ್ಯಕೀಯ ಚಿಕಿತ್ಸೆ ಮತ್ತು ಅಂತರಾಷ್ಟ್ರೀಯ ಪ್ರವಾಸದ ಪ್ಯಾಕೇಜ್ಗಳ ವೆಚ್ಚ ಕಡಿಮೆಯಾಗಲಿದೆ.
- ಸಮುದ್ರಾಹಾರ (Seafood): ಮೀನುಗಾರಿಕೆಗೆ ಸಂಬಂಧಿಸಿದ ಸುಂಕದ ವಿನಾಯಿತಿಗಳಿಂದಾಗಿ ಮೀನಿನ ಬೆಲೆ ಇಳಿಕೆಯಾಗಲಿದೆ.
- ಜವಳಿಮತ್ತುಸಿದ್ಧಉಡುಪುಗಳು: ಸೀರೆಗಳು ಸೇರಿದಂತೆ ಬಟ್ಟೆಗಳ ಬೆಲೆ ಕಡಿಮೆಯಾಗುವ ನಿರೀಕ್ಷೆಯಿದೆ.
- ಖನಿಜಗಳುಮತ್ತುಇಂಧನ: ಲಿಥಿಯಂ-ಅಯಾನ್ ಬ್ಯಾಟರಿ ಸೆಲ್ಗಳು, ಸೋಲಾರ್ ಗ್ಲಾಸ್ ಮತ್ತು ಬಯೋಗ್ಯಾಸ್ ಮಿಶ್ರಿತ ಸಿಎನ್ಜಿ (CNG) ಬೆಲೆ ಕಡಿಮೆಯಾಗಲಿದೆ.
ದುಬಾರಿಯಾಗುವ ವಸ್ತುಗಳು(Costlier)
- ಐಷಾರಾಮಿವಸ್ತುಗಳು: ಪರಿಷ್ಕೃತ ಕಸ್ಟಮ್ಸ್ ಸುಂಕ ಮತ್ತು ತೆರಿಗೆ ಪ್ರಯೋಜನಗಳ ಕಡಿತದಿಂದಾಗಿ ಕೆಲವು ಹೈ-ಎಂಡ್ ಐಷಾರಾಮಿ ವಸ್ತುಗಳು ದುಬಾರಿಯಾಗಲಿವೆ.
- ಆಯ್ದಆಮದುಮಾಡಿದಎಲೆಕ್ಟ್ರಾನಿಕ್ಸ್: ಸ್ಥಳೀಯ ಉತ್ಪನ್ನಗಳು ಅಗ್ಗವಾಗಿದ್ದರೆ, ವಿದೇಶದಿಂದ ಆಮದು ಮಾಡಿಕೊಳ್ಳುವ ಕೆಲವು ಎಲೆಕ್ಟ್ರಾನಿಕ್ ಉಪಕರಣಗಳ ಬೆಲೆ ಏರಿಕೆಯಾಗಲಿದೆ.
- ಅಗತ್ಯವಲ್ಲದಆಮದುವಸ್ತುಗಳು: ಅನಿವಾರ್ಯವಲ್ಲದ ಆಮದು ವಸ್ತುಗಳ ಮೇಲೆ ಸುಂಕ ಹೆಚ್ಚಿಸಿರುವುದರಿಂದ ಅವುಗಳ ಬೆಲೆ ಹೆಚ್ಚಾಗಲಿದೆ.
- ಪ್ರೀಮಿಯಂಗ್ರಾಹಕಸರಕುಗಳು: ಸುಂಕದ ರಚನೆಯಲ್ಲಿನ ಬದಲಾವಣೆಯಿಂದಾಗಿ ಕೆಲವು ಪ್ರೀಮಿಯಂ ಉತ್ಪನ್ನಗಳ ಬೆಲೆಯಲ್ಲಿ ಅಲ್ಪ ಏರಿಕೆಯಾಗಬಹುದು.
