ಸವದತ್ತಿ ಗ್ರೀನ್‌ಕೋ Greenko (KA01 IREP Pvt. Ltd.) ಯೋಜನೆ : ಸಾಮಾಜಿಕ ಹಿತಾಸಕ್ತಿ ಮತ್ತು ರೈತರ ಹಕ್ಕುಗಳ ರಕ್ಷಣೆಗಾಗಿ ಹೋರಾಟ ನಡೆಸುತ್ತಿರುವ ಕಾರ್ಮಿಕ ಧ್ವನಿ ಮುಖ್ಯ ಸಂಪಾದಕರು ಹಾಗೂ ಸಾರ್ವಜನಿಕ ಹಕ್ಕುಗಳ ಸೆಲ್‌ನ ರಾಷ್ಟ್ರೀಯ ಅಧ್ಯಕ್ಷರಾದ ತೌಸಿಫ್ ಎಂ. ಮುಲ್ಲಾ, ದಿನಾಂಕವಾರು ಕಡತಗಳ ವಿವರ ಹಾಗೂ ಮಾಹಿತಿ ಆಯೋಗದ ಕಾನೂನು ಹೋರಾಟ

📰 ವಿಶೇಷ ತನಿಖಾ ವರದಿ | ಬೆಳಗಾವಿ ಜಿಲ್ಲೆ
ಸವದತ್ತಿ ಗ್ರೀನ್‌ಕೋ ಯೋಜನೆ

ದಿನಾಂಕವಾರು ಕಡತಗಳ ವಿವರ, ಆರ್‌ಟಿಐ ಉಲ್ಲಂಘನೆ ಮತ್ತು ಮಾಹಿತಿ ಆಯೋಗದವರೆಗಿನ ಕಾನೂನು ಹೋರಾಟದ ಸಂಪೂರ್ಣ ಕರಾಳ ಮುಖ!

ಬೆಳಗಾವಿ / ಸವದತ್ತಿ:
ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲೂಕಿನ ಯಕ್ಕುಂಡಿ ಹಾಗೂ ಸುತ್ತಮುತ್ತಲಿನ ಗ್ರಾಮೀಣ ಪ್ರದೇಶಗಳಲ್ಲಿ ರೈತರ ಕೃಷಿ ಭೂಮಿ, ಬೆಳೆ ಹಾನಿ ಮತ್ತು ಮಲಪ್ರಭಾ ನದಿ ಕಾಲುವೆ ನೀರಿನ ಬಳಕೆಯ ಹೆಸರಿನಲ್ಲಿ ನಡೆಯುತ್ತಿರುವ ಹಗರಣಗಳು ಒಂದೊಂದಾಗಿ ಹೊರಬರುತ್ತಿವೆ.

Greenko (KA01 IREP Pvt. Ltd.)’ ಮೆಗಾ ಯೋಜನೆಗೆ ನೀರು ಒದಗಿಸುವ ವಿಚಾರದಲ್ಲಿ ಸಾರ್ವಜನಿಕರ ಕಣ್ಣಿಗೆ ಮಣ್ಣೆರಚುವ ಕೆಲಸ ವ್ಯವಸ್ಥಿತವಾಗಿ ನಡೆಯುತ್ತಿದೆ.

ಸಾಮಾಜಿಕ ಹಿತಾಸಕ್ತಿ ಮತ್ತು ರೈತರ ಹಕ್ಕುಗಳ ರಕ್ಷಣೆಗಾಗಿ ಹೋರಾಟ ನಡೆಸುತ್ತಿರುವ ಕಾರ್ಮಿಕ ಧ್ವನಿ ಮುಖ್ಯ ಸಂಪಾದಕರು ಹಾಗೂ ಸಾರ್ವಜನಿಕ ಹಕ್ಕುಗಳ ಸೆಲ್‌ನ ರಾಷ್ಟ್ರೀಯ ಅಧ್ಯಕ್ಷರಾದ ತೌಸಿಫ್ ಎಂ. ಮುಲ್ಲಾ ಅವರು ಮಾಹಿತಿ ಹಕ್ಕು ಕಾಯ್ದೆಯಡಿ (RTI) ಅರ್ಜಿ ಸಲ್ಲಿಸಿ ಸ್ಪಷ್ಟ ವಿವರಗಳನ್ನು ಕೋರಿದ್ದರು.

ಆದರೆ ಜವಾಬ್ದಾರಿಯುತ ಸ್ಥಾನದಲ್ಲಿರುವ ಕರ್ನಾಟಕ ನೀರಾವರಿ ನಿಗಮ ನಿಯಮಿತದ (KNNL) ಅಧಿಕಾರಿಗಳು ಸತ್ಯವನ್ನು ಜನಸಾಮಾನ್ಯರ ಮುಂದಿಡುವ ಬದಲು, ಕಡತಗಳನ್ನು ಮುಚ್ಚಿಹಾಕಲು ಹಸಿ ಸುಳ್ಳುಗಳು ಮತ್ತು ಬೇಜವಾಬ್ದಾರಿ ಉತ್ತರಗಳನ್ನು ನೀಡುತ್ತಿರುವುದು ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.

📅 ದಿನಾಂಕವಾರು ಕಡತಗಳು ಮತ್ತು ಪತ್ರ ವ್ಯವಹಾರದ ವಿವರಗಳು:

ದಿನಾಂಕ: 18/08/2026 (ಮೂಲ ಆರ್‌ಟಿಐ ಅರ್ಜಿ ಸಲ್ಲಿಕೆ):

ಸವದತ್ತಿ ತಾಲೂಕಿನ ಕರ್ನಾಟಕ ನೀರಾವರಿ ನಿಗಮ ನಿಯಮಿತದ (KNNL) ಕಾರ್ಯಗಾರ ಮತ್ತು ಯಾಂತ್ರಿಕ ಉಪವಿಭಾಗ ಹಾಗೂ ಬೈಲಹೊಂಗಲದ ಯಾತ ನೀರಾವರಿ ಉಪವಿಭಾಗಕ್ಕೆ ಅಧಿಕೃತವಾಗಿ ಮಾಹಿತಿ ಹಕ್ಕು ಅರ್ಜಿ (RTI Form-A) ಸಲ್ಲಿಸಲಾಯಿತು. ಇದರಲ್ಲಿ ಗ್ರೀನ್‌ಕೋ ಯೋಜನೆಗೆ ಮಲಪ್ರಭಾ ನದಿ ಕಾಲುವೆ ನೀರು ಬಳಕೆ ಅನುಮತಿ, NOC, ಒಪ್ಪಂದಗಳು ಮತ್ತು ರೈತರ ಕೃಷಿ ಭೂಮಿ ಹಾಗೂ ಬೆಳೆ ಹಾನಿಯ ಜಂಟಿ ಸಮೀಕ್ಷಾ ವರದಿಗಳ (Joint Survey Reports) ವಿವರಗಳನ್ನು ಕೇಳಲಾಗಿತ್ತು.

ವಿಭಾಗಗಳ ನಡುವೆ ಕಡತ ತಿರುಗಾಟ ಹಾಗೂ ಕಾಲಮಿತಿ ಉಲ್ಲಂಘನೆ:

ಕಾಯ್ದೆಯ ಕಲಂ 6(3)ರ ಪ್ರಕಾರ ಅರ್ಜಿಯನ್ನು 5 ದಿನಗಳೊಳಗೆ ಸಂಬಂಧಿತ ಇಲಾಖೆಗೆ ವರ್ಗಾಯಿಸಬೇಕಾಗಿದ್ದರೂ, ಬೈಲಹೊಂಗಲ ಮತ್ತು ನವಿಲುತೀರ್ಥ ಕಚೇರಿಗಳು ಸತ್ಯವನ್ನು ಮುಚ್ಚಿಹಾಕಲು ಕಡತಗಳನ್ನು ಅತ್ತಿಂದಿತ್ತ ತಿರುಗಿಸಿವೆಯೇ ಹೊರತು ಯಾವುದೇ ಸ್ಪಷ್ಟ ಮತ್ತು ಅಧಿಕೃತ ದಾಖಲೆಗಳನ್ನು ನೀಡಲಿಲ್ಲ. ಅಧಿಕಾರಿಗಳು “ಮಾಹಿತಿ ಲಭ್ಯವಿಲ್ಲ” ಎಂಬ ಜಾರಿಕೊಳ್ಳುವ ಉತ್ತರಗಳನ್ನು ನೀಡಿದರು.

ದಿನಾಂಕ: 22/09/2026 (ಪ್ರಥಮ ಮೇಲ್ಮನವಿ ಸಲ್ಲಿಕೆ):

ಸ್ಥಳೀಯ SPIO ಅಧಿಕಾರಿಗಳ ಕಡೆಯಿಂದ ಸರಿಯಾದ ಮಾಹಿತಿ ಬಾರದ ಹಿನ್ನೆಲೆಯಲ್ಲಿ ಹಾಗೂ ಕಾಯ್ದೆಯ ಉಲ್ಲಂಘನೆಯನ್ನು ಪ್ರಶ್ನಿಸಿ ಪ್ರಥಮ ಮೇಲ್ಮನವಿ ಪ್ರಾಧಿಕಾರಿ (FAA) ಹಾಗೂ ಕಾರ್ಯನಿರ್ವಾಹಕ ಅಭಿಯಂತರರು, ಕನೀನಿನಿ, ಕಾರ್ಯಗಾರ ಮತ್ತು ಯಾಂತ್ರಿಕ ವಿಭಾಗ, ನವಿಲುತೀರ್ಥ ಇವರಿಗೆ ಅಧಿಕೃತವಾಗಿ ಪ್ರಥಮ ಮೇಲ್ಮನವಿ ಸಲ್ಲಿಸಲಾಯಿತು.

ದಿನಾಂಕ: 29/09/2026 (ಪ್ರಥಮ ಮೇಲ್ಮನವಿ ಆದೇಶ – ನಿರಾಕರಣೆ):

ಪ್ರಥಮ ಮೇಲ್ಮನವಿ ವಿಚಾರಣೆ ನಡೆಸಿದ ಪ್ರಾಧಿಕಾರವು, “ವಿಭಾಗ ಕಚೇರಿಯಲ್ಲಿಯೂ ಮಾಹಿತಿ ಲಭ್ಯವಿಲ್ಲ” ಎಂಬ ಸಮಜಾಯಿಷಿ ನೀಡಿ ಮೇಲ್ಮನವಿ ಮುಂದುವರಿಸುವ ಅಗತ್ಯವಿಲ್ಲವೆಂದು ತಳ್ಳಿಹಾಕಿತು. ಇದು ಸಂಪೂರ್ಣವಾಗಿ ಕಾನೂನುಬಹಿರವಾಗಿದ್ದು, ಸಾರ್ವಜನಿಕರಿಗೆ ನೀಡಬೇಕಾದ ದಾಖಲೆಗಳನ್ನು ವ್ಯವಸ್ಥಿತವಾಗಿ ಗೋಪ್ಯವಾಗಿಡುವ ಹುನ್ನಾರವಾಗಿತ್ತು.

ಪ್ರಸ್ತುತ ಹಂತ (ಕರ್ನಾಟಕ ಮಾಹಿತಿ ಆಯೋಗದ ಮುಂದೆ ದ್ವಿತೀಯ ಮೇಲ್ಮನವಿ):

ಸ್ಥಳೀಯ ಅಧಿಕಾರಿಗಳು ಮತ್ತು ಪ್ರಥಮ ಮೇಲ್ಮನವಿ ಪ್ರಾಧಿಕಾರದ ಈ ಬೇಜವಾಬ್ದಾರಿ ಹಾಗೂ ಕಾನೂನು ಬಾಹಿರ ಕ್ರಮವನ್ನು ಪ್ರಶ್ನಿಸಿ, ಈಗ ಕರ್ನಾಟಕ ಮಾಹಿತಿ ಆಯೋಗ (KIC), ಬೆಂಗಳೂರು ಮುಂದೆ ಕಾಯ್ದೆಯ ಕಲಂ 19(3)ರ ಅಡಿಯಲ್ಲಿ ದ್ವಿತೀಯ ಮೇಲ್ಮನವಿ (Second Appeal) ದಾಖಲಿಸಲಾಗಿದೆ.

ವಿಚಾರಣೆಯ ವೇಳೆ ತಪ್ಪಿತಸ್ಥ ಅಧಿಕಾರಿಗಳಿಗೆ ಕಲಂ 20ರಡಿ ದಿನವೊಂದಕ್ಕೆ ₹250/- ರಂತೆ (ಗರಿಷ್ಠ ₹25,000/-) ವ್ಯಕ್ತಿಗತ ದಂಡ ಹಾಗೂ ಇಲಾಖಾ ವಿಚಾರಣೆಗೆ ಆಗ್ರಹಿಸಲಾಗಿದೆ.

🚨 ಮುಂದಿನ ಎಚ್ಚರಿಕೆ:
ಮಾಹಿತಿ ಆಯೋಗದಲ್ಲಿ ನಡೆಯುವ ವಿಚಾರಣೆಯ ಬಳಿಕವೂ ದಾಖಲೆಗಳನ್ನು ನೀಡಲು ವಿಫಲವಾದರೆ ಅಥವಾ ಕಡತಗಳನ್ನು ಮರೆಮಾಡುವುದು ಮುಂದುವರೆದರೆ, ಅಧಿಕಾರಿಗಳ ವಿರುದ್ಧ ಕರ್ನಾಟಕ ಲೋಕಾಯುಕ್ತ ಹಾಗೂ ಸಕ್ಷಮ ನ್ಯಾಯಾಲಯದ ಮೂಲಕ ನೇರ ಕ್ರಿಮಿನಲ್ ಮೊಕದ್ದಮೆ (Criminal Action) ಹೂಡಲಾಗುವುದು. ಸಾರ್ವಜನಿಕರ ಹಕ್ಕುಗಳೊಂದಿಗೆ ಆಟವಾಡುವವರನ್ನು ಯಾವುದೇ ಕಾರಣಕ್ಕೂ ಬಿಡುವ ಪ್ರಶ್ನೆಯೇ ಇಲ್ಲ.

ವರದಿಗಾರರ ವಿವರ:
* ಹೆಸರು: ತೌಸಿಫ್ ಎಂ. ಮುಲ್ಲಾ

* ಹುದ್ದೆಗಳು:
* ಸಂಸ್ಥಾಪಕ ಅಧ್ಯಕ್ಷ ಮತ್ತು ಮುಖ್ಯ ಸಂಪಾದಕರು, ಕಾರ್ಮಿಕ ಧ್ವನಿ (KARMIKDHWANI – Indian News Voice of Labour)

* ರಾಷ್ಟ್ರೀಯ ಅಧ್ಯಕ್ಷರು, ಸಾರ್ವಜನಿಕ ಹಕ್ಕುಗಳ ಸೆಲ್ (Public Rights Cell), ಅಂತರರಾಷ್ಟ್ರೀಯ ಮಾನವ ಹಕ್ಕುಗಳು ಮತ್ತು ಮಾಧ್ಯಮ ಸಂಸ್ಥೆ

* ಸಂಸ್ಥಾಪಕ ಅಧ್ಯಕ್ಷರು, Flash24x7 News

* ಅಧ್ಯಕ್ಷರು, ಭಾರತೀಯ ಕ್ರಾಂತಿಕಾರಿ ಕಿಸಾನ್ ಸೇನೆ (ಬೆಳಗಾವಿ ಜಿಲ್ಲಾ ಯುವ ಘಟಕ)

* ಜಿಲ್ಲಾ ಉಪಾಧ್ಯಕ್ಷರು, ಕರ್ನಾಟಕ ಮಾನವ ಹಕ್ಕುಗಳ ಸಮಿತಿ, ಬೆಳಗಾವಿ ಜಿಲ್ಲೆ

* ಅಧ್ಯಕ್ಷರು, ಕರ್ನಾಟಕ ಮಾನವ ಹಕ್ಕುಗಳ ಜಾಗೃತಿ ವೇದಿಕೆ, ಮುಂಬಯಿ ಕರ್ನಾಟಕ

ಸಂಪರ್ಕ ಸಂಖ್ಯೆಗಳು: 9686981286, 9901149812